ល្បែង Online ជាច្រើនកន្លែងនៅក្នុងមូលដ្ឋានសង្កាត់ចោមចៅ៣ ខណ្ឌពោធិ៍សែនជ័យ អាជ្ញាធរ មូលដ្ឋានហាក់ដូចជាមើលមិនឃើញ ប្រជាពលរដ្ឋបាំងខ្សឹបប្រាប់អ្នក សារព័ត៌មានអ្នកសារព័ត៌មានបានត្រឹមចុះយកព័ត៌មានរាយការណ៍ជូនមន្ត្រីមូលដ្ឋានព្រោះអ្នកសារព័ត៌មានគ្មានសិទ្ធិអ្វីនិងចុះទៅបិទទីតាំងល្បែងទាំងនោះបានទេ។

កាលពីថ្ងៃទី ៨ ខែមិថុនា ឆ្នាំ ២០២៦ ក្រុមការងារអង្គភាពយើងខ្ញុំនិងក្រុមការងារអង្គភាពផ្សេងទៀតបានចុះធ្វើការយកព័ត៌មាននិងរាយការណ៍ ជូនលោកមេប៉ុស្តិ៍ចោមចៅ៣ អំពីទីតាំង ល្បែងឡូតូនិងមាន់អនឡាញច្រើនកន្លែងស្ថិតនៅក្នុងភូមិព្រៃទា មានទាំងរូបថតនិងទីតាំង តែលោកមេប៉ុស្តិ៍ហាក់ដូចជាមិនអើពើនិងការរាយការណ៍ព័ត៌មានជូនទេបានត្រឹមមើលហើយមិនឆ្លើយតបឬមានចំណាត់កាលណាមួយទៅលើទីតាំងល្បែងអនឡាញទាំងនោះឡើយ

ថ្ងៃនេះអ្នកព័ត៌មានយើងបានចុះទៅមើលទីតាំងតារាងបាល់ទះដដែលគឺនៅបើកលេងល្បែងអនឡាញយ៉ាងកក្រឹគកក្រេង ដដែរ

មហាជនឆ្ងល់ថា÷ ហេតុអ្វីបានជាល្បែង អនឡាញទាំងនោះអាចបើកដំណើរការលេងយ៉ាងរលូនដោយគ្មានការរំខានពីអាជ្ញាធរមូលដ្ឋាន តើអាជ្ញាធរមិនហ៊ានចុះបង្ក្រាបទីតាំង ល្បែងអនឡាញទាំងនោះ ដោយសារមានខ្នងបង្អែកធំឬយ៉ាងណា សុំស្នើទៅដល់លោក អភិបាលនៃគណៈខណ្ឌពោធិ៍សែនជ័យ លោក សក់ កញ្ញារិទ្ធ និងលោក អធិការខណ្ឌ ម៉នវុទ្ធី មេត្តាចាត់កម្លាំងក្រោមឱវាទជួយចុះបង្ក្រាបផងទាន

ដើម្បីឱ្យស្របតាមគោលនយោបាយ ភូមិ ឃុំ មានសុវត្ថិភាពទាំង ៩ ចំណុចដែលប្រមុខរដ្ឋាភិបាលបានដាក់ជូន។