កំពង់ស្ពឺ៖ ថ្ងៃទី ៤ ខែមិថុនាឆ្នាំ ២០២៦ ទីតាំងល្បែងប្រជល់មាន់និងអាប៉ោងដ៏ធំមួយ ស្ថិតនៅខាងក្រោយ ភូមិ៤ ឃុំត្រែងត្រយឹង ស្រុកភ្នំស្រួច កំពុងបើកដំណើរការលេងយ៉ាងគគ្រឹកគគ្រេង ដោយមិនមានខ្លាចញញើតអាជ្ញាធរមូលដ្ឋានឡើយ។

ប្រភពបានបញ្ជាក់ថា ទីតាំងល្បែងស៊ីសងនេះ ត្រូវបានរៀបចំឡើងដោយក្រុមបុគ្គលដែលជាមេសង្វៀន ដុះស្លែប៉ុន្មាននាក់ដដែលៗ ជាអ្នករៀបចំ និងគ្រប់គ្រងសកម្មភាពល្បែងស៊ីសងនៅទីតាំងសង្វៀនប្រជល់មាន់ហ្នឹងអាប៉ោងនេះ ក្រុមមេសង្វៀនទាំងនេះត្រូវបានប្រជាពលរដ្ឋរាយការណ៍ថា មានច្រើនទីតាំងសម្រាប់ផ្លាស់ប្ដូរកន្លែងលេង ដើម្បីពង្វៀងដាន ក្រុមបក្ខពួកម្ចាស់សង្វៀន បានទាក់ទាញអ្នកលេងចូលលេងល្បែងយ៉ាងច្រើន ធ្វើឲ្យប្រជាពលរដ្ឋនៅក្នុងមូលដ្ឋាននោះព្រួយបារម្ភយ៉ាងខ្លាំងចំពោះសុខសុវត្ថិភាព និងសណ្តាប់ធ្នាប់សង្គម។

ខណៈក្រុមការងារយើងខ្ញុំបានចុះយកព័ត៌មានរាយការណ៍ជូនសមត្ថកិច្ចច្រើនលើកច្រើនសារហើយដែលដោយលើក ទី១ រាយការណ៍ជូនលោកមេប៉ុស្តិ៍ ឃើញផ្អាកសកម្មភាពបានមួយចម្អិនក្រពិសហើយក៏ឃើញបើកដំណើរការវិញ លើកទី២ រាយការណ៍ជូនលោកមេឃុំក៏បានប្រាប់ថាចាំឱ្យកម្លាំងចុះធ្វើការតែចាំមើលរយៈពេលប្រហែល ២ ម៉ោងស្ងាត់ឈឹងហើយក៏ខលលែងចូល លើកទី៣ រាយការណ៍ជូនទៅលោកអធិការ លោកប្រាប់ថាកំពុងរវល់ប្រជុំ ចាំឱ្យកម្លាំងចុះធ្វើការ តែក្រុមការងារយើងរងចាំផ្សាយព័ត៌មានរហូតដល់ម៉ោង ៤.៣០ នាទីក៏នៅតែមិនឃើញមានកម្លាំងសមត្ថកិច្ចចុះអន្តរាគមន៍ឃើញតែក្រុមអ្នកលេងល្បែងចេញមកជាបន្តបន្ទាប់ដូចដឹងខ្លួនមុន មុនកម្លាំងសមត្ថកិច្ចចុះទៅធ្វើការទៀត និយាយរួមរំសាយអស់មិនបាច់កម្លាំងចុះសង្ក្រានទាន់ទេ។

កន្លងមកប្រជាពលរដ្ឋតែងតែកោតសរសើរនិងសាទរចំពោះស្នារដៃរបស់ ឯកឧត្តម បណ្ឌិត ជាម ច័ន្ទសោភ័ណ អភិបាលនៃខណៈអភិបាលខេត្ត និងលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺដែលលោកតែងតែបង្ក្រាបនិងទប់ស្កាត់រាល់បទល្មើសនៅក្នុងខេត្តបានយ៉ាងល្អ។

មហាជនចាំមើលតើក្រុមម្ចាស់សង្វៀនល្បែងនិងបក្សពួកមួយក្រុមនេះអាចលាក់កំបាំងបានដល់ពេលណា។